Tuesday, June 19, 2007

Caricature

ကယ်ရီကေးချား


သူဟာ. . .
လူနာတစ်ယောက်ပါ။
အနတ္တကမ္ဘာမှာ
နှလုံးသားတစ်ခုတောင်
ပိုင်စိုးခွင့်မရခဲ့တဲ့သူ . . .
(အလှကြိုက်တတ်သော)
မျက်လွှာတို့ကိုစုံမှိတ်
တိတ်တိတ်ကလေးနေတတ်ခဲ့။
ဥာဏ်ပညာတို့နဲ့
အနာဂါတ်ကိုတူးဆွချင်တဲ့သူ။ . . .။

သူ့မှာ . ..
မပေးဖြစ်ခဲ့တဲ့
ရည်းစားစာတစ်ချို့ ရှိရဲ့ . . .
မိန်းကလေးတစ်ယောက်ကို
ရင်ခွင်တစ်ခုစာ ချစ်မြတ်နိုးခဲ့ . . .
ဆရာဝန်တစ်ယောက်ရဲ့
“နှလုံးအားနည်းတယ်” ဆိုတဲ့မှတ်ချက်ကို
ရင်နာနာနဲ့ ၀န်ခံခဲ့ဖူးသူ . . .

အသက်ရှုမ၀တဲ့
ဘ၀အခန်းကျဉ်းလေးထဲမှာ
နှလုံးသားအဟာရ
ကဗျာတစ်ပိုင်းတစ်စ
စိတ္တဗေဒနဲ့ ကွန်ပျူတာ
ဒီဇိုင်နာတစ်ယောက်ရဲ့သောက
အချိုးကျဖြစ်တည်
ငိုညည်းတတ်ခဲ့သူတော့ မဟုတ် . . .။

သူဟာ . ..
မာယာမြစ်တစ်စင်း
အလျားလိုက်ဖြတ်ကူးရင်းပဲ
တံခါးရွက်မရှိတဲ့ ဟင်းလင်းပြင်ကြီးထဲမှာ
ဒါဝင်ရဲ့ သီအိုရီထဲကလို
“အသင့်တော်ဆုံးသူ” သာ
ဖြစ်ချင်နေမိတော့တယ်။


နည်ရဲဇော်

an ambrella, a pair of bags, a pair of brains, a slipper

ထီးတစ်လုံး၊ လွယ်အိတ်တစ်စုံ၊ ဦးနှောက်တစ်ရံ၊ ဖိနပ်တစ်လက်

ငါ့မှာ. . .
နက်ချင်ယောင်ဆောင်နေတဲ့
ထီးအ၀ါကြီးတစ်လုံးရှိတယ်။
မလိုသူတွေက
အတင်းစကားတွေနဲ့
ကဲ့ရဲ့မိုးတွေပက်တဲ့အခါ
ဒီ ထီးကိုဖွင့်ဆောင်းလိုက်မယ်
(ငါ့ကိုမထိအောင်လို့ . . .)

ငါ့မှာ. . .
ကာလရှည်ကြာစွာ
ပုခုံးထက်မှာခိုစီးလို့
ကိုယ့်အမည်ကိုယ်မသိတဲ့
လွယ်အိတ်အနီတစ်စုံရှိတယ်။
ဒီလွယ်အိတ်ထဲမှာ
ငါ့ဦးနှောက်ရဲ့
ရေသောက်မြစ်တွေရှိတယ်။
မကြာခဏ Present ရတတ်တဲ့
ရှုံးနိမ့်မှုတွေကို
ပြုံးပြတတ်စေမယ့်
ဗီတာမင်တွေ သောက်သုံးနိုင်ဖို့ . . .။

ငါ့မှာ . . .
ဘယ်တော့မှ မငြီးညူတတ်တဲ့
အညာသားဖိနပ်တစ်လက်ရှိတယ်။
ငါသွားရာလမ်းမှာ
ဆူးပန်းတွေပွင့်နေပါစေ
ဖြတ်နင်းပစ်လိုက်မယ်
(တောင်ထိပ်ရောက်နိုင်ဖို့ . . .)

ငါ့မှာ . . .
x x x x x တွေရှိသေးတယ်
(မင်း တန်ဖိုးထားတတ်မယ်ဆိုရင်ပေါ့)

နည်ရဲဇော်

The wound

ဒဏ်

ကြွင်းကျန်ရစ်သော
နှလုံးသားအပိုင်းအစတစ်ခုအား
ဖာထေးပြီးသကာလ
သိပ္ပံနည်းတကျ
အယောင်ဆောင်ခဲ့ရ။
ကြာတော့လည်း….
ဒါကိုပဲ သဘာဝလို့ ထင်ကြ…။
ရယ်ချင်စရာပြက်လုံးတွေကြားထဲမှာ
ဝမ်းနည်းမျက်ရည်စများ
အားတင်းထား…။
အသက်မဟုတ်တဲ့
စက်ရုပ်လက်နဲ့
ခပ်ကြမ်းကြမ်းပွတ်သုတ်
တရှုပ်ရှုပ်ငိုမြဲ
ကိုယ့်အသွေးအသားထဲ
ခံပြင်းနေဆဲပါလား . . .။

နည်ရဲဇော်

Monday, June 11, 2007

mingun






မင်းကွန်းရောက်မုဒိတာ
မြန်မာပြည်အထက်အညာဒေသ မင်းကွန်းပုထိုးတော်ကြီးဟာ အခုတော့လည်း အုတ်ပုံကြီးဘ၀နဲ့ တောင်ကြီးတစ်ခုမျှ မြင့်မားလှ၏။ ငလျင်ဒဏ်ကြောင့် ပုထိုးတော်ကြီးမှာ အက်ကွဲကြောင်းရာများနှင့်။ ပြိုကျနေသော အုတ်ခဲတုံးကြီးများက ဟိုတစ်စ ဒီတစ်စ ။တောင်၏ခြေရင်း လှေကားသဖွယ် ထွင်းထားသော အုတ်အဆင့်ဆင့် တို့ကို လှမ်းတက်လာခဲ့၏။ ခြုံနွယ်ပိတ်ပေါင်းများ၊ မျက်ရိုင်းပင်များက မင်းမူနေ၏။ အတက်လေကားကား ကျဉ်းမြောင်းလှရာ လူတစ်ကိုယ်စာပင်မနည်းတက်ယူရ၏။ ဆင်းသည့်လူနှင့် တက်သည့်လူ မျက်နှာချင်းဆိုင် ဆုံလျှင် တစ်ယောက်ယောက်က ရပ်ပေးကာ ကျန်တစ်ယောက်က ဂဏန်းသွားသလို ဘေးတိုက်သွားမှသာအလိုရှိရာရောက်ပေမည်။ အတက်စောက်သလောက် ထိပ်ဆုံးရောက်သွားတော့လည်း မြင်ရသည့် ရှုမျှော်ခင်းက ရင်ကိုအေးမြစေသည်။ ခဲသားရောင်တိမ်လွှာတို့က အလိပ်လိုက် အလွှာလိုက်။ မှိုင်းမလိုနှင့်ညို့၊ ပြိုတော့မလို ရွာတော့မလို မိုးနှောင်းကာလ မြန်မာပြည်မင်းကွန်းဒေသ၏ အလှကား မြင်သူငေးမောချင်စရာ။ စေတီတော်ခြေရင်း အမိ မြစ်မင်းဧရာဝတီသည် ညွှတ်တွားခဆင်းကာသမိုင်းပေးတာဝန်ကို ကျေပွန်စွာ သားသမီးတို့အတွက် အနားမယူနိုင်ရက်အား။ ဒါပေမယ့် ဇရာရဲ့သဘောကို မလွန်ဆန်နိုင်တော့ မြစ်လယ်ကောင် သောင်ထွန်း နတ်သမီးနေတဲ့ကျွန်းများကိုလည်း မြင်ရ၏။ ကမ်းဧရာအရှေ့ဘက်က စိမ်းမြမြ လယ်ကွင်းတွေရဲ့အဆုံး ဟိုးအဝေးက မှုန်ပြပြ ရှမ်းတောင်တန်းကြီးများကို မြူတွေဆိုင်လျက် မှိုင်းမှိုင်းညို့ညို့လွမ်းဆို့ချင်စရာ။ ဒီလိုအချိန်၊ ဒီလိုနေရာမျိုးမှာ ချစ်တဲ့သူနှစ်ဦး ဆုံစည်းကြဖို့ဆိုတာ အင်မတန် ကြည်နူးချင်စရာအဖြစ်ကလေးပါပဲ။




Friday, June 8, 2007

လွမ်းည

လွမ်းည


ကြယ်တွေကြွေတဲ့ညမှာ
မင်းကိုတမ်းတမိတာ
ဗာဒံပင်အောက်မှာပေါ့ ။ . . .
အဝေးဆီက
ဆိတ်ဖလူးပန်းရနံ့တွေဟာ
လရောင်တန်းတွေကိုခိုစီးရင်း
အဖော်မစုံသူ ကိုယ့်ထံ
အလွမ်းတွေ လျှံစေခဲ့တယ်။ . . .
အဖော်ကွဲနေတဲ့ ငှက်ကလေးတစ်ကောင်
အိပ်တန်းတောင် မပျံနိုင်ရှာဘူး
နှင်းရည်စိုလက်
ဗာဒံရွက်တွေထဲ
မြတ်နိုးဖော်ကို ရှာနေတယ်ထင်ပါ့။
တစ်ခြမ်းပဲ့လမင်းလည်း
ငွေရောင်တွေကြဲပက်ဖို့
အိမ်ခေါင်မိုးထက်ကို ရောက်လာခဲ့ပြီလေ။ . . .
ဒီလိုညမျိုးမှာ
အိပ်စက်ခြင်းကို မေ့နေတဲ့ငါ
တွေးမိသမျှဟာ
မင်းအကြောင်းတွေချည်းပါပဲ။. . .



နည်ရဲဇော်
(၂၆.၁.၉၉)

Monday, June 4, 2007

ရှုံးနိမ့်ခြင်း

ရှုံးနိမ့်ခြင်း

မေ . . .
အချစ်ဆိုတာ
ဆန်းကြယ်သတဲ့လား?
မင်းနဲ့တွေ့မှ
ချစ်တတ်ခဲ့သူရဲ့
ရင်ခုန်သံစည်းချက်
နားဆင်ကြည့်လှည့်ပါ။
တစ်ကြိမ်တစ်ခါ
မချစ်တတ်ဖူး
အချစ်ဦးမို့
ရူးတယ်ပဲဆိုဆို
ပိုတယ်ပဲပြောပြော
မြတ်နိုးမှုရောဂါ
အသည်းထက်မှာ
တစ်နေ့တစ်ခြား
တိုးပွားလာခဲ့တယ်. . .။

မေ. . . မင်းအပြုံးတစ်ခုရဖို့အတွက်
ကိုယ့်သိက္ခာကိုယ်ဖျက်ဆီး
လူပြက်ကြီးလုပ်ခဲ့ရသူပါ။
ရယ်စရာစကားအမျိုးမျိုး
ရှာကြံပျိုးရင်း
မင်းပျော်နေမှ
ကိုယ်နေလို့ရခဲ့တယ်လေ။ . .
မင်းမျက်နှာလေး
အဝေးကလှမ်းငေးရင်း
မချင့်မရဲဖြစ်
သိပ်စိတ်ညစ်တော့
အလုပ်အားချိန်မှာ
ရောက်ရောက်လာတတ်တာ
မင်းအပေါင်းအသင်းများကြား
ဟားစရာသတ္တ၀ါပမာ . . .။

ကိုယ်ကလည်း
သူတို့ပြောသမျှကြေနပ်
နေတတ်ခဲ့လေတော့
မင်းအမြင်မင်းသဘော
စောကြောဖို့မေ့နေခဲ့တယ်လေ။
မတော်တဆတိုက်ဆိုင်မှုတွေလို
အလုပ်ဆင်းချိန်ဆို
မင်းအဆောင်ပို့ပေးနိုင်ရေး
ကိုယ်ကျိုးစားကြည့်မိသေးတယ်။

နှလုံးသားသေးသေးမှာ
ရင်ခုန်သံလေးလေးတွေကြောင့်
အိပ်မပျော်ခဲ့ညတွေမှာ
ဂစ်တာကိုထိုင်တီး
ဆိုညည်းခဲ့တဲ့သီချင်း
ဗဒင်ရဲ့ “သနပ်ခါးချစ်သူ”
တို့ရဲ့မူပိုင်ပါ။
မင်းကတော့မသိသလို
နေနိုင်သူဆိုတော့
မင်းနဲ့ကိုယ့်အကြား
“စည်း”တစ်ခုခြားထားတယ်။
ဒီလိုနဲ့တဖြည်းဖြည်းကြာ
တစ်ခုသောနေ့မှာပေါ့ . . .။
ကိုယ့်ရဲ့နှလုံးသားအိမ်
မြတ်နိုးမှုရေချိန်တက်
သံယောဇဉ်တွေ
အမြင့်ဆုံးအခြေအနေမှာ
ရင်ထဲကစကား
ဖွင့်ဟဖို့အသွား
ရင်နာဖွယ်ရာ ကိုယ်ကြားသိခဲ့ရတာ
မင်းအလှ၊ မင်းဘ၀
ကိုယ့်ထက်ဦးသူရဲ့လက်ထဲမှာတဲ့. . .
မင်းနှုတ်ထွက်စကား
ကိုယ်နားကြားများမှားလေသလား ?
မယုံချင်ပေမယ့်
ယုံကြည်ခဲ့ရသူမို့
ကိုယ့်အသည်းမှာဒဏ်ရာ
စူးနစ်စွာခံစား
အသက်ရှု ရပ်သွားမလားပဲ
ခံစားမိပါတယ်မေ . . . ။

တကယ်တော့… အချစ်ဆိုတာ
ဝတ္ထုရုပ်ရှင် ဇာတ်လမ်းဖလင်တွေထဲကလို
ချိုမြိန်ဖွယ်ချည်း
ခံစားလို့ပြီးတာမဟုတ်မှန်း
ကိုယ်တကယ်သိခဲ့ပါပြီ။

ဒါပါပဲမေ. . .
ကိုယ့်ဘ၀မှာ မင်းတစ်ယောက်သာ
ချစ်ဖူးသေးတယ်ဆိုတာ
မပြောလိုတော့ပါ။
ဒီဒဏ်ရာနဲ့အသည်းကို
တဖြည်းဖြည်းရင့်ကျက်ဖို့ရာ
အချိန်နဲ့ကုစား
အဝေးဆုံးမှာသွားနေဖို့သာ
ကျိုးစားရတော့မှာပါ မေ . . .။


နည်ရဲဇော်

ကာရံပျက်တဲ့သူ

ကာရံပျက်တဲ့သူ

မိုးပေါ်ကိုပျံတက်မလို့တဲ့
တောင်ပံမဲ့ မာနတွေ
ရောင်နီကိုမျှော်နေလျက် . . .
ကောင်းကင်တစ်ခုလုံးပျောက်နေချိန်မှာတောင်
သီချင်းဆိုမပျက်ခဲ့။ ။
ရိုးသားဖို့အတွက်
ဓါးသွားထက်ထက်နဲ့
ထိုးစိုက်ခံလိုက်ရတဲ့နှလုံးသား
နာကျင်စွာခံစားတတ်ချင်တယ်။
ပင့်ကူတစ်ကောင်ရဲ့အိမ်ဖွဲ့ချင်းမျိုးနဲ့
ဘ၀ကိုအကြိမ်ကြိမ်အခါခါဆောက်တည်ခဲ့. . .
လမ်းတစ်ဝက်မှာလှည့်ပြန်ခဲ့ရတဲ့အခါတိုင်း
ဝိုင်း ၀ိုင်း ထိုးတတ်တဲ့လက်ညှိုးတွေငါဟာ . . . အင်္ဂုလိမာလမဟုတ်လို့ပေါ့ . . ။
တပြည်သူသို့

ဆောင်းနှင်းရွက်ကြွေ
နွေလည်းဆိတ်သုန်း
မိုးလည်းပြုန်းပေါ့
ပျော်ရာမနေ
တော်ရာနေမှ
ဘ၀..ဘ၀..လှပသစ်လွင်
ပွင့်သစ်လှစ်ဟ
လှပရမည်
နောင်လျှင်မသိ…
သိလည်းမမြင်…
မြင်လည်းမကြား…
စည်းကာခြား၏
……………

ဆက်ရန်

နည်ရဲဇော်

Wednesday, May 30, 2007

...ရင်ထဲရှိတာရေးကြည့်မယ်...



အနာဂါတ်ကိုပိုင်စိုးချင်တယ်

ပစ္စုပ္ပန်မှာထိုင်မနေချင်ဘူး။

အိပ်မက်လှိုင်းစီးဖို့

ရဲရင့်ပွင့်သစ်တွေလာခဲ့ကြ

အတိတ်....

ထားခဲ့.....။

မမှားတတ်ခဲ့တဲ့သူ

ဒီကမ္ဘာမှာလူရာမ၀င်ဘူး..

မျက်ရည်တွေသုတ်လိုက်

နာကျည်းချက်တွေကအရင်းအနှီး

တို့ပတ်ဝန်းကျင်ကြီးညည်းတွားနေတာကြာခဲ့ပြီ။

ဒါနောက်ဆုံးအခွင့်အရေး

သဘာဝတေးတွေဆို

မသေခင် ဘာလိုသေးသလဲ...

အားမန်”...တစ်ခုနဲ့ဆိုလုံလောက်တယ်။



နည်ရဲဇော်

၅-၂၀၀၇

Monday, May 28, 2007

What is in a name?

A Rose

"What's in a name? That which we call a roseBy any other word would smell as sweet."

Shakespeare --From Romeo and Juliet (II, ii, 1-2)

I admire this quote so much . But what's in a name? I believe it's a kind of "impression". The way you see a person and recognize him as a particular person. A name is not just a word or a phrase. I think that Shakespeare wanted to convey that a name is an artificial and meaningless convention, and that she(Juilet) loves the person who is called "Montague", not the Montague name and not the Montague family. However, we live in a world of convention. In other words, we live in a world of metaphor. Names themselves do not that matter but feelings and emotions they provoke have great influence on us. How many English people give their names as "Shakespeare"? What impression do you get behind the name "Abrham Lincon ","Adof Hitlar", "Eistine", "Aung San?
If someone thinks that names are not that important, it should be so before he is given a name. Afterwards, throughout his life, he should keep his name above as a loving present for his parents.

Just food for thought!

By the way, do you appreciate to be called "Satan"?

See you later

Sunday, May 27, 2007

This is just an initiation of my blog "dreamland" where you can temporarily escape from your complicated life. I intend this blog to be a place of our fellow Myanmars whether they settled abroad or in motherland. To refresh our memories of sweetness by inhauling the fresh air travelling across "mother Irrawaddy" river. The memories of a place where our foreparents rest in peace. I will try to update this blog with photos of several places in Myanmar, arts and literature of Myanmar people and so on.

See you later.
Dreamwalker